Intercambio IES de Monterroso - IES da Pobra (I)

[Xano]

Iniciamos xa o coñecemento mutuo a través da rede, empregando tamén (aínda moi pouco) este espazo, entre alumnado dos nosos Institutos. Benvidos David, Dani e tod@s os que vos acheguedes a esta rede!
Para coñecer as distintas realidades do contorno da Barbanza e mais da Ulloa, podemos visitar estas páxinas:

Comarcas de Galicia (abrindo as comarcas respectivas)
Concello de Monterroso
Arousa Norte (dispón tamén de audioguías)
As páxinas dos centros respectivos: IES de Monterroso e IES da Pobra do Caramiñal (con Galería de imaxes). No wiki Pobra, feito por mozos e mozas do noso Insti, hai tamén información de interese.

No que respecta ao uso do galego entre a xente nova, podemos ver os datos do IGE, que amosan unha diferenza de 24 puntos a favor do Concello de Monterroso entre os que empregan sempre o galego. Pero desde a Pobra hai vontade de modificar esa situación! Imos (máis) alá!
Máis novas en breve.

[dplingua]

Participade no foro dando a vosa opinión sobre os temas alí abertos.
Tezamos o intercambio!

[Xano]

Ui, ui. Por fin podemos aprender ampliando os contrastes, diredes. O intercambio hai que traballalo!
Saúdos

[yupi_oju]

jajaj o intercambio vai ser xenial :)
por fin unha excursión profe!
graciñass